Bakıda dəhşətli qətl: sevdiyi qızı küçədə öldürdü
Bakıda qətl törədilib.
Nizami rayon Polis İdarəsindən APA-ya verilən məlumata görə, hadisə bu gün saat 11.00 radələrində metronun Qara Qarayev stansiyası yaxınlığında qeydə alınıb.
22 yaşlı İlahə Həsən qızı Yusubova oğlan tanışı, 1990-cı il təvəllüdlü Salyan rayon sakini Babək Tərlan oğlu Əliyev tərəfindən küçədə bıçaqlanaraq qətlə yetirilib. Qətli törədən şəxs hadisə yerindən qaçsa da, Nardaran qəsəbəsində həbs olunub.
İlkin məlumata görə, hadisəni törədən oğlan İlahə Yusubovanı sevirmiş. O, qızın sevgisini qazana bilmədiyi üçün belə bir addım atıb. Oğlan valideynlərini qızın evinə elçi göndərsə də İlahə Yusubovanın ailəsindən rədd cavabı alıb.
Qeyd edək ki, lisey məzunu olan İlahə Yusubova "Əhmədli" metro stansiyasının keçidində fəaliyyət göstərən dükanların birində satıcı işləyirmiş.
Faktla bağlı Nizami rayon Prokurorluğu tərəfindən cinayət işi başlanıb, istintaq gedir.
Apa.tv
OXŞAR XƏBƏRLƏR
“Xəstəxanadayam, təcili pul lazımdır” - Yeni oyun
Rusiyadan Ermənistana Azərbaycandan tranzit keçməklə növbəti yük yola salındı
Əziz Əliyevin 130 illiyi qeyd ediləcək
Rusiyadan Ermənistana Azərbaycandan tranzit keçməklə növbəti yük yola salındı
Prezident balaca Gülərin ailəsinə traktor hədiyyə etdi
