Blatter FİFA prezidentliyindən kənarlaşdırıldı: növbədə Platinidir
FİFA prezidenti Yozef Blatter 90 gün müddətinə vəzifəsindən kənarlaşdırılıb. APA TV-nin məlumatına görə, bu barədə “Guardian” qəzeti xəbər yayıb.
FİFA prezidentinin müşaviri Klaus Ştelker Blatterin vəzifəsinin icrasından kənarlaşdırıldığını təsdiqləsə də, əlavə məlumat verməyib.
BBC-nin məlumatına görə, Blatterin vəzifəsindən kənarlaşdırılmasına dair son qərarı FİFA-nın Etika Komitəsinin arbitraj palatasının başçısı Hans-Yoahim Ekkert bu gün təsdiqləməlidir.
Qeyd edək ki, sentyabrın 24-də İsveçrə prokurorluğu Y.Blatterə qarşı cinayət işi açıb.
Eyni aqibəti UEFA prezidenti Mişel Platini də yaşaya bilər. BBC-nin məlumatına görə, o da korrupsiya qalmaqalı ilə əlaqədar vəzifəsindən kənarlaşdırıla bilər. Belə ki, FİFA-nın etika üzrə Komitəsi qurumun rəhbəri Yozef Blaterri vəzifəsindən kənarlaşdırdıqdan sonra eyni cəzanı UEFA prezidenti üçün də tələb edib.
Xatırladaq ki, UEFA prezidenti Mişel Platinini 2002-ci ildə görülən işlərə görə FİFA-dan 2 milyon dollar aldığını etiraf edib.
Apa.tv
OXŞAR XƏBƏRLƏR
Azərbaycan neftinin qiyməti 97 dolları ötüb
Rusiyadan Ermənistana Azərbaycandan tranzit keçməklə növbəti yük göndərilib
“Xəstəxanadayam, təcili pul lazımdır” - Yeni oyun
Rusiyadan Ermənistana Azərbaycandan tranzit keçməklə növbəti yük yola salındı
Əziz Əliyevin 130 illiyi qeyd ediləcək
