Bakıda daha bir neçə avtobusun istiqaməti dəyişdirildi, bir marşrut bağlandı
“Baku Bus” MMC-nin 6 və 8 saylı marşrut avtobuslarının fəaliyyətə başlaması ilə əlaqədar sabahdan etibarən bəzi marşrut avtobuslarının istiqamətlərində dəyişiklik edilib.
“Bakı Sərnişin Nəqliyyatı və Yük Daşımalarının təşkili” MMC-dən APA TV-yə verilən məlumata görə, 88 saylı marşrut avtobusu əvvəl Azadlıq prospektindən 20-ci sahə istiqamətində hərəkət edirdisə, bu gündən etibarən Azadlıq prospektindən "28 May" metro stansiyasına kimi fəaliyyət göstərəcək.
Həmçinin 37 saylı marşrut avtobusu əvvəllər Avtovağzal-"İçərişəhər" metro stansiyası-20-ci sahə istiqamətində fəaliyyət göstərirdisə, indi Avtovağzaldan "İçərişəhər" metro stansiyasına kimi hərəkət edəcək. 13 saylı marşrut avtobusu isə fəaliyyətini dayandırır.
Qeyd edək ki, 13 saylı marşrut avtobusu 7-ci mikrorayon-Həsən Əliyev küçəsi-Tbilisi prospekti-Elmlər Akademiyası metro stansiyası istiqamətində fəaliyyət göstərirdi. İndi isə bu marşrut xəttini "Baku Bus" MMC-yə məxsus 6 saylı marşrut avtobusu əvəz edib.
Qeyd olunan dəyişikliklər bu gündən qüvvədədir.
Apa.tv
OXŞAR XƏBƏRLƏR
Azərbaycan neftinin qiyməti 97 dolları ötüb
Rusiyadan Ermənistana Azərbaycandan tranzit keçməklə növbəti yük göndərilib
“Xəstəxanadayam, təcili pul lazımdır” - Yeni oyun
Rusiyadan Ermənistana Azərbaycandan tranzit keçməklə növbəti yük yola salındı
Əziz Əliyevin 130 illiyi qeyd ediləcək
