Sabirabadda 3 otaqlı ev külə döndü
Sabirabadda 3 otaqlı fərdi yaşayış evi yanıb. APA TV-nin Mil-Muğan bürosunun xəbərinə görə, Sabirabad rayonu, Kovlar kəndində 1962-ci il təvəllüdlü Şıxıyev Füzuli Ələşrəf oğluna məxsus ümumi sahəsi 120 kv. m olan 3 otaqlı ev əşyaları ilə birlikdə yanıb.
Yanğın hadisəsi ötən gecə saat 22.30-da elektrik enerjisində yaranan qısaqapanmadan baş verib. Mətbəxdə baş verən yanğın sonradan bütün evi bürüyüb. Yanğın zamanı xəsarət alan olmasa da, ailəli olan iki qardaşın ümumilikdə 5 nəfər ailə üzvünə məxsus bütün əşyalar, o cümlədən pul, qızıl-zinət əşyaları və onlara məxsus sənədlər yanaraq məhv olub.
Yanğının söndürülməsinə FHN-in Sabirabad Yanğından Mühafizə Hissəsinin iki avtomobili və canlı qüvvəsi cəlb olunub. Yanğın saat 02:00-da yanğınsöndürənlər tərəfindən söndürülüb. Yaxınlıqdakı tikililər yanğından mühafizə olunub.
Faktla bağlı araşdırma aparılır.
Əlibəy Zeynallı
OXŞAR XƏBƏRLƏR
Azərbaycan neftinin qiyməti 97 dolları ötüb
Rusiyadan Ermənistana Azərbaycandan tranzit keçməklə növbəti yük göndərilib
“Xəstəxanadayam, təcili pul lazımdır” - Yeni oyun
Rusiyadan Ermənistana Azərbaycandan tranzit keçməklə növbəti yük yola salındı
Əziz Əliyevin 130 illiyi qeyd ediləcək
