Koreyanın Azərbaycandakı səfiri Ağdama gedib
Koreya Respublikasının Azərbaycandakı səfiri Çoi Suk İn Ağdama səfər edib. APA TV-nin Qarabağ bürosunun xəbərinə görə, səfir öncə Ağdam Rayon İcra Hakimiyyəti başçısının I müavini Zülfü Qasımovla görüşüb.
Səfirə cəbhə zonasında yaşayan əhalinin ermənilər tərəfindən tez-tez atəşə tutulması barədə məlumat verilib. Koreyalı diplomat Ağdamın sosial-iqtisadi inkişafı ilə maraqlanıb.
Səfir həmçinin ağdamlı məcburi köçkünlərin məskunlaşdığı “Dörd Yol-1” qəsəbəsində olub, şəhid Tural Əhmədovun ailəsinə baş çəkib. Çoi Suk İn Tural Əhmədovun anası Kifayət Əhmədovaya hədiyyə təqdim edib.
Sonra diplomat Ağdam Dövlət Dram Teatrında koreyalı rejissor Sonq Si-Heubun ekranlaşdırdığı “Nizamlı adam” komediya filminin nümayişində iştirak edib.
Qeyd edək ki, diplomat sabah Ağdamın təhsil müəssisələrinə baş çəkəcək.
Apa.tv
OXŞAR XƏBƏRLƏR
Azərbaycan neftinin qiyməti 97 dolları ötüb
Rusiyadan Ermənistana Azərbaycandan tranzit keçməklə növbəti yük göndərilib
“Xəstəxanadayam, təcili pul lazımdır” - Yeni oyun
Rusiyadan Ermənistana Azərbaycandan tranzit keçməklə növbəti yük yola salındı
Əziz Əliyevin 130 illiyi qeyd ediləcək
