Gəncədə üç maşın toqquşdu: 4 yaralı
Gəncə şəhərində 4 nəfərin xəsarət alması ilə nəticələnən yol-nəqliyyat hadisəsi baş verib.
APA TV-nin qərb bürosunun məlumatına görə, şəhərin Nəriman Nərimanov prospektində, Gülüstan qəsəbəsi ərazisində Gəncə şəhər sakini, 1994-cü il təvəllüdlü Məhəmməd Rəsulov idarə etdiyi “Daewoo” markalı avtomobillə yüksək sürətlə hərəkətdə olarkən yolun əks istiqamətinə çıxıb, 1990-cı il təvəllüdlü Elşad Haqverdiyevin idarə etdiyi “Niva” markalı və 1988-ci il təvəllüdlü Roman Qurbanovun idarə etdiyi “VAZ-21015” markalı avtomobillərlə toqquşub.
Qəza nəticəsində “Daewoo”nun sürücüsü və maşında olan iki sərnişin - 1992-ci il təvəllüdlü Elmar Rzayev və 1986-cı il təvəllüdlü Kərim Kərimov, “Niva” markalı avtomobilin sürücüsü müxtəlif bədən xəsarətləri alıblar. Xəstəxanaya aparılanlardan Elşad Haqverdiyevin vəziyyəti ağırdır.
Faktla bağlı Gəncə şəhər Baş Polis İdarəsində araşdırma aparılır.
Azər Məmmədli
OXŞAR XƏBƏRLƏR
Azərbaycan neftinin qiyməti 97 dolları ötüb
Rusiyadan Ermənistana Azərbaycandan tranzit keçməklə növbəti yük göndərilib
“Xəstəxanadayam, təcili pul lazımdır” - Yeni oyun
Rusiyadan Ermənistana Azərbaycandan tranzit keçməklə növbəti yük yola salındı
Əziz Əliyevin 130 illiyi qeyd ediləcək
