Bakıda bəzi marşrut avtobuslarının xətləri dəyişdi
Bu gündən Bakıda bəzi marşrut avtobuslarının xətlərində dəyişikliklər olub.
Nəqliyyat Nazirliyinin Nəqliyyatı İntellektual İdarəetmə Mərkəzindən APA TV-yə verilən məlumata görə, “BakuBus” MMC-nin 5 saylı marşrut avtobusunun fəaliyyətə başlaması ilə əlaqədar mövcud marşrut avtobuslarının xətlərində dəyişikliklər edilib.
Yeni 5 saylı marşrut avtobusunun hərəkət istiqaməti "Nəriman Nərimanov" metro stansiyası - Təbriz küçəsi - Azadlıq prospekti - "28 May" metro stansiyası - Puşkin küçəsi - Azadlıq prospekti - Zərifə Əliyeva küçəsi - Ə.Yaqubov küçəsi - 20-ci sahə olacaq. Bu səbəbdən mövcud xətt üzrə hərəkət edən 20 və 24 saylı marşrut avtobusları xətdən kənarlaşdırılıb.
Qeyd edək ki, “BakuBus” MMC-yə məxsus 5 saylı marşrut avtobusu 2 gün test rejimində 8 avtobusla fəaliyyət göstərib. Bu gündən etibarən isə 20-dən artıq avtobus mövcud marşrut xətti ilə fəaliyyət göstərəcək.
Yeni tədris ilinin başlanması ilə əlaqədar sərnişin sıxlığı nəzərə alınaraq yeni 5 saylı marşrut avtobusunun istiqaməti üzrə fəaliyyət göstərən 37 və 88 saylı marşrut avtobuslarının mövcud hərəkət istiqamətləri hələlik saxlanılıb.
Hərəkət istiqaməti Avtovağzal - "20 Yanvar" metro stansiyası - Badamdar qəsəbəsi - Səbail meydanı - 20-ci sahə olan əvvəlki 5 saylı marşrut avtobusunun isə nömrəsi dəyişdirilərək, 53 nömrəsi ilə əvəzlənib. Yəni əvvəlki 5 saylı marşrut bu gündən etibarən 53 saylı marşrut adı ilə sərnişinlərə xidmət göstərir.
Apa.tv
OXŞAR XƏBƏRLƏR
Azərbaycan neftinin qiyməti 97 dolları ötüb
Rusiyadan Ermənistana Azərbaycandan tranzit keçməklə növbəti yük göndərilib
“Xəstəxanadayam, təcili pul lazımdır” - Yeni oyun
Rusiyadan Ermənistana Azərbaycandan tranzit keçməklə növbəti yük yola salındı
Əziz Əliyevin 130 illiyi qeyd ediləcək
