Bakı-Quba yolunda dəhşətli qəza: iki qardaş öldü
Bu gün Quba rayonu ərazisində ölümlə nəticələnən yol-nəqliyyat hadisəsi baş verib.
APA TV-nin şimal bürosunun xəbərinə görə, hadisə Bakı-Quba-Rusiya Federasiyası dövlət sərhədi avtomobil yolunun rayonun Paşaoba kəndi ərazisindən keçən hissəsində qeydə alınıb.
Bakı şəhər sakini, 1954-cü il təvəllüdlü Nurməmməd Rza oğlu Əzizovun idarə etdiyi 90 GD 643 dövlət nömrə nişanlı “Mitsubishi Pajero” markalı maşının yoldan çıxaraq ağaca çırpılması nəticəsində 2 nəfər ölüb, 3 nəfər müxtəlif dərəcəli bədən ilə Quba Mərkəzi Rayon Xəstəxanasına yerləşdirilib.
Qəza nəticəsində sürücü və onun qardaşı, Quba rayonunun Afurca kənd sakini, 1952-ci il təvəllüdlü Əziz Rza oğlu Əzizov dünyasını dəyişib. Xəsarət alanlar 1993-cü il təvəllüdlü Sevinc Ədalət qızı Şükürova, 2003-cü il təvəllüdlü Asim Ədalət oğlu Şükürov və 2004-cü il təvəllüdlü Xədicə Ayəddin qızı Əzizovadır.
Faktla bağlı Baş Dövlət Yol Polis İdarəsinin istintaq və təhqiqat bölməsində cinayət işi açılıb, araşdırmalar davam etdirilir.
Apa.tv
OXŞAR XƏBƏRLƏR
Daşkənddə Prezident İlham Əliyevin rəsmi qarşılanma mərasimi olub
Azərbaycan neftinin qiyməti 97 dolları ötüb
Rusiyadan Ermənistana Azərbaycandan tranzit keçməklə növbəti yük göndərilib
“Xəstəxanadayam, təcili pul lazımdır” - Yeni oyun
Rusiyadan Ermənistana Azərbaycandan tranzit keçməklə növbəti yük yola salındı
