Ağdamda ağır qəza: ana və oğlu ölümdən döndü
Ağdamda 4 nəfərin ağır xəsarət almasıyla nəticələnən yol qəzası baş verib. APA TV-nin Qarabağ bürosunun xəbərinə görə, hadisə Borsunlu-Hindarx yolunun Ağdam rayonunun Alıbəyli kəndi ərazisindən keçən hissəsində qeydə alınıb. Laçın rayonundan məcburi köçkün, 48 yaşlı Mövlanverdiyev Vidadi Mövlan oğlunun idarə etdiyi "VAZ-21099" markalı avtomobillə Ağdam rayonunun Quzanlı-1 qəsəbəsində məskunlaşmış məcburi köçkün, 49 yaşlı Mirzəyev Şakir İsmayıl oğlunun idarə etdiyi "VAZ-2101" markalı maşın toqquşub. Nəticədə hər iki avtomobilin sürücüsü və Vidadi Mövlanverdiyevin sərnişinləri - həyat yoldaşı 39 yaşlı Məmmədova Şərafət Firiş qızı və oğlu, 16 yaşlı Mövlanverdiyev Mövlanverdi Vidadi oğlu müxtəlif bədən xəsarətləriylə Ağdam Mərkəzi Rayon Xəstəxanasına, oradan isə Bərdə MRX-ya çatdırılıblar. Hər iki sürücünün vəziyyəti həkimlər tərəfindən ağır qiymətləndirilir. Hadisəyə yüksək sürətin səbəb olduğu bildirilir.
Faktla bağlı araşdırma aparılır.
Apa.tv
OXŞAR XƏBƏRLƏR
Daşkənddə Prezident İlham Əliyevin rəsmi qarşılanma mərasimi olub
Azərbaycan neftinin qiyməti 97 dolları ötüb
Rusiyadan Ermənistana Azərbaycandan tranzit keçməklə növbəti yük göndərilib
“Xəstəxanadayam, təcili pul lazımdır” - Yeni oyun
Rusiyadan Ermənistana Azərbaycandan tranzit keçməklə növbəti yük yola salındı
