İsveçrə İrana qarşı sanksiyaları ləğv etdi
İrana qarşı sanksiyanı qaldıran ilk dövlət məlum olub. APA TV-nin "Liqa.net"ə istinadən verdiyi məlumata görə, Tehrana qarşı 2014-cü ildən qadağalar tətbiq edən İsveçrə hökuməti bu qərara gəlib.
İsveçrənin adı açıqlamayan yüksək çinli nümayəndəsi bu qərarı İranla "altılıq" ölkələrinin nüvə sazişi ilə bağlı razılaşması ilə əlaqələndirib.
"İranla qiymətli metallar ticarəti və kommersiya fəaliyyətinə sanksiyalar aradan qaldırılıb. Bundan savayı İrandan xam neft və neft məhsullarının alınması, bu ölkə ilə sığorta əməliyyatları da sanksiyaların təsir dairəsindən çıxarılıb". SİTATIN SONU.
Qərar bu gündən qüvvəyə minib. Eyni zamanda İsveçrə hökuməti bildirib ki, əgər İran Vyana razılaşmasından irəli gələn üzərinə götürdüyü öhdəlikləri yerinə yetirməsə, dövlət bu qərarın ləğv olunması haqqında hüququnu əlində saxlayır.
ABŞ da məsələyə münasibət açıqlayıb. Vaşinqtondan bildirilib ki, İsveçrə bu qərarı onlarla razılaşdırmadan verib. Dövlət Departamentinin rəsmisi Mark Toner bildirib ki, ölkəsinin İrana qarşı sanksiyaları hələ ki qüvvədədir.
Apa.tv
OXŞAR XƏBƏRLƏR
Kriptovalyuta müsadirə edildi, təqsirləndirilənlər 35 mln. manatdan çox cərimələndi
Azərbaycan-Özbəkistan müttəfiqlik münasibətləri: Xəzərdə YENİ KOORDİNASİYALI REGİONAL MƏKAN yaranır
Daşkənddə Prezident İlham Əliyevin rəsmi qarşılanma mərasimi olub
Azərbaycan neftinin qiyməti 97 dolları ötüb
Rusiyadan Ermənistana Azərbaycandan tranzit keçməklə növbəti yük göndərilib
