Zaqatalada qadın müəllimə qohumunu bıçaqlayaraq öldürdü
Zaqatalada 48 yaşlı kişi qətlə yetirilib. Zaqatala Rayon Mərkəzi Xəstəxanasından (RMX) APA TV-nin yerli bürosuna verilən məlumata görə, rayonun 3-cü Tala kənd sakini, 1967-ci il təvəllüdlü Qazıməhəmməd Nəsrullah oğlu İbrahimovun döş qəfəsinin sol tərəfindən bıçaqlanaraq qətlə yetirilmiş meyiti xəstəxananın morquna daxil olub. Zaqatala rayon Polis Şöbəsindən də hadisənin rayonun 3-cü Tala kəndində baş verdiyi təsdiqlənib. Hüquq-mühafizə orqanlarından bildirilib ki, 48 yaşlı Qazıməhəmməd İbrahimovu onun qohumu, kənd sakini, 1984-cü il təvəllüdlü Günel Ömər qızı İsgəndərova bıçaqlayaraq öldürüb . Qətl şəxsi münasibətlər zəminində baş verib. Qətlə yetirilən Qazıməhəmməd İbrahimov bir-neçə il əvvəl həyat yoldaşından ayrılıb. Qətli törədən Günel İsgəndərova 3-cü Tala kənd orta məktəbində idman müəlliməsi işləyir. Hal-hazırda körpə uşağı olduğu üçün analıq məzuniyyətindədir. Faktla bağlı Zaqatala rayon prokurorluğunda cinayət işi başlayıb, araşdırma aparılır.
Apa.tv
OXŞAR XƏBƏRLƏR
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
Azərbaycan-Özbəkistan müttəfiqlik münasibətləri: Xəzərdə YENİ KOORDİNASİYALI REGİONAL MƏKAN yaranır
Daşkənddə Prezident İlham Əliyevin rəsmi qarşılanma mərasimi olub
Azərbaycan neftinin qiyməti 97 dolları ötüb
