Sahibi oğurlanmış atı geri istədi, oğru polis çağırdı - NONSENS
Goranboyda mal-qara oğurlayan, 51 yaşlı Namiq Rəhimov və 22 yaşlı Muğan Qasımov saxlanılıb. APA TV-nin Qərb bürosunun verdiyi məlumata görə, Goranboy rayonunun Veyisli kənd sakinləri Ədil Məmmədov, İsmayıl Şamilov və Sultan Şamilov rayon Polis Şöbəsinə müraciət edərək mal- qaralarının oğurlandığını bildiriblər.
Oğurluğun üstü isə oğurluq edənlərdən biri, Muğan Qasımovun təcrübəsizliyi üzündən açılıb. Belə ki, o, Veyisli kəndi ərazisindən oğurladığı atı Bərdədəki heyvan bazarında satışa çıxarıb. Atın sahibi isə bunu təsadüfən görüb. Onunla Muğan Qasımov arasında əlbəyaxa dava olub, Muğan canını qurtarmaq üçün əraziyə polis çağırıb. Beləliklə, Muğan Qasımov polisə ifadəsində atı oğurladığını da boynuna alıb, üstəlik, Namiq Abdullayevlə birlikdə törətdiyi mal-qara oğurluğunu da etiraf edib.
Goranboy rayonunun Yeni Veyisli qəsəbə sakini Muğan Tofiq oğlu Qasımov və əvvəllər müxtəlif maddələrlə məhkumluğu olan Namiq Rəhim oğlu Abdullayev Tərtər rayon Polis Şöbəsinin müvəqqəti saxlama təcridxanasında tanış olublar.
Apa.tv
OXŞAR XƏBƏRLƏR
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
Azərbaycan-Özbəkistan müttəfiqlik münasibətləri: Xəzərdə YENİ KOORDİNASİYALI REGİONAL MƏKAN yaranır
Daşkənddə Prezident İlham Əliyevin rəsmi qarşılanma mərasimi olub
Azərbaycan neftinin qiyməti 97 dolları ötüb
