Azərbaycanda törə cinayəti: bacısının keçmiş nişanlısını güllələdi
Yardımlıda qətl hadisəsi baş verib. APA TV-nin məlumatına görə, hadisə iyulun 27-də saat 22.00 radələrində rayonun ucqar Perimbel kəndi ərazisində qeydə alınıb.
Kənd sakini Firuz Mirziyad oğlu Rzayev qısqanclıq zəminində bacısının nişanlısı olmuş həmkəndlisi, 31 yaşlı Vüqar Mirqiyas oğlu Xurşudovu ov tüfəngi ilə ürək nahiyəsindən iki dəfə atəş açmaqla güllələyərək qətlə yetirib.
İlkin məlumata görə, ailələr arasında münaqişə nişanın pozulmasından sonra yaranıb. Belə ki, nişanlı olan Vüqar Xurşudovun başqası ilə ailə qurması ailələr arasında ədavətə səbəb olub. Vüqar ailə qurduqdan sonra bir neçə il kəndə qayıtmayıb. Nəhayət, illər sonra o, kəndə dönüb və keçmiş nişanlısının qardaşı Firuz Rzayev Vüqar Xurşudovdan qisas almaq qərarına gəlib.
Hadisəni törədən Firuz Rzayev rayonun hüquq-mühafizə orqanlarının əməkdaşları tərəfindən saxlanılıb.
Faktla bağlı cinayət işi başlanılıb, araşdırma aparılır.
Apa.tv
OXŞAR XƏBƏRLƏR
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
Azərbaycan-Özbəkistan müttəfiqlik münasibətləri: Xəzərdə YENİ KOORDİNASİYALI REGİONAL MƏKAN yaranır
Daşkənddə Prezident İlham Əliyevin rəsmi qarşılanma mərasimi olub
Azərbaycan neftinin qiyməti 97 dolları ötüb
