Netanyahu Qərb ölkələrini İranla razılaşmamağa çağırdı
İsrailin baş naziri Benyamin Netanyahu Qərb ölkələrini və beynəlxalq vasitəçiləri İranla nüvə anlaşmasını imzalamamağa çağırıb.
APA TV-nin "Euronews"a istinadən verdiyi məlumata görə, bu çağırışı hökumət başçısı öz Twitter səhifəsində fars dilində yazıb.
O bildirib ki, İslam Respublikasının nüvə silahı əldə etməsinə yol verilməməlidir. Onun sözlərinə görə, Tehran dəfələrlə İsraili yer üzündən silmək niyyətində olduğunu açıqlayıb. "Məhz buna görə İran tərəfi nəyin bahasına olursa-olsun, razılaşma əldə edilməsini istəyir. Bu isə terrorun da artmasına gətirib çıxaracaq. Biz olmasaydıq, İran çoxdan nüvə silahını əldə etmişdi. Yalnız biz illərdir bu təhlükənin önündəyik" - deyə baş nazir əlavə edib.
Netanyahu hesab edir ki, anlaşma əldə olunarsa, bu Tehrana "qırmızı xətt"i keçmək şansı verəcək. Tehran isə dəfələrlə nüvə proqramını sülh məqsədləri ilə zənginləşdirdiyini qeyd edib.
Apa.tv
OXŞAR XƏBƏRLƏR
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
Azərbaycan-Özbəkistan müttəfiqlik münasibətləri: Xəzərdə YENİ KOORDİNASİYALI REGİONAL MƏKAN yaranır
Daşkənddə Prezident İlham Əliyevin rəsmi qarşılanma mərasimi olub
Azərbaycan neftinin qiyməti 97 dolları ötüb
