Gəncədə idman müəllimini maşın vurdu
Gəncədə yolu keçmək istəyən piyadanı maşın vurub.
APA TV-nın qərb bürosunun verdiyi məlumata görə, hadisə iyulun 8-də axşam saatlarında şəhərin Şah İsmayıl Xətai prospektində qeydə alınıb.
Gəncə şəhər sakini, 1987-ci il təvəllüdlü Tural Novruzov idarə etdiyi “VAZ-2107” markalı avtomobillə hərəkətdə olarkən yolu keçmək istəyən, Gəncə Olimpiya İdman Kompleksinin müəllimi, 1983-cü il təvəllüdlü Ramil Daşdıyevi vurub. Ramil Daşdıyev xəstəxanaya çatdırılıb, vəziyyətinin ağır olduğu bildirilir.
Gəncədə daha bir yol-nəqliyyat hadisəsi isə şəhərin Nəriman Nərimanov prospektində qeydə alınıb. "VAZ-2107" markalı maşınla “İsuzu” markalı sərnişin avtobusunun toqquşması nəticəsində minik avtomobilinin sürücüsü, 1987-ci il təvəllüdlü Xaliq Yusifov bədən xəsarətləri alaraq Gəncə şəhər Təcili Tibbi Yardım xəstəxanasına yerləşdirilib. Onun vəziyyətinin orta ağır olduğu bildirilir.
Hər iki faktla bağlı Gəncə şəhər Baş Polis İdarəsində araşdırma gedir.
Apa.tv
OXŞAR XƏBƏRLƏR
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
Azərbaycan-Özbəkistan müttəfiqlik münasibətləri: Xəzərdə YENİ KOORDİNASİYALI REGİONAL MƏKAN yaranır
Daşkənddə Prezident İlham Əliyevin rəsmi qarşılanma mərasimi olub
Azərbaycan neftinin qiyməti 97 dolları ötüb
