İmişlidə "QAZ-24" yanaraq partladı
Ötən gün axşam saatlarında İmişli rayonunda minik avtomobilində yanğınla müşahidə olunan parlayış baş verib.
APA TV-nin Mil-Muğan bürosunun xəbərinə görə, rayon sakini Nurəhməd Ələsgərov idarə etdiyi "QAZ-24" markalı minik maşını ilə rayon ərazisindəki dolama yolda hərəkətdə olarkən avtomobil qəfildən alovlanıb.
Yanğının güclü olduğunu görən sürücü dərhal maşından düşərək uzaqlaşıb. Elə bu an partlayış baş verib. Sürücü hadisə yerindən uzaqlaşdığından, heç bir xəsarət almayıb.
Hadisə yerinə Fövqəladə Hallar Nazirliyi Dövlət Yanğından Mühafizə Xidmətinin İmişli rayon Yanğından Mühafizə Hissəsinin texnika və canlı qüvvəsi cəlb edilib. Alov söndürülüb, digər ərazilərə keçməsinin qarşısı alınıb. Hadisənin hansı səbəbdən baş verdiyi araşdırılır.
Əlibəy Zeynallı
OXŞAR XƏBƏRLƏR
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
Azərbaycan-Özbəkistan müttəfiqlik münasibətləri: Xəzərdə YENİ KOORDİNASİYALI REGİONAL MƏKAN yaranır
Daşkənddə Prezident İlham Əliyevin rəsmi qarşılanma mərasimi olub
Azərbaycan neftinin qiyməti 97 dolları ötüb
