Rusiyada 3 Azərbaycan balıqçısına hökm oxundu
Rusiyanın Həştərxan vilayətinin Kamızyak rayon Məhkəməsində 3 Azərbaycan vətəndaşına hökm oxunub.
APA-nın “astrakhan-24.ru” saytına istinadən verdiyi məlumata görə, onlar xüsusilə qiymətli su-bioloji ehtiyatların qanunsuz ovlanmasında günahkar sayılıb.
2014-cü ilin yazında azərbaycanlılar “Bayda” tipli kiçik gəmi ilə Xəzərin şimal hissəsinə gedərək ümumi uzunluğu 1408 metr olan 14 tor qurublar. Torlar sudan çıxarılarkən nərəkimilər növündən olan 486 balıq aşkarlanıb. Azərbaycan vətəndaşları bu qanunsuz fəaliyyətlə Rusiyaya 2 milyon rubldan çox zərər vurublar.
Qrupun təşkilatçısı 5,6 il azadlıqdan məhrum edilib. Digər hüquq pozucuları isə cəzalarını ümumi rejimli islah-əmək müəssisəsində çəkməklə 5 il müddətinə azadlıqdan məhrum ediliblər. Cinayət aləti dövlətin xeyrinə müsadirə olunub.
Apa.tv
OXŞAR XƏBƏRLƏR
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
Azərbaycan-Özbəkistan müttəfiqlik münasibətləri: Xəzərdə YENİ KOORDİNASİYALI REGİONAL MƏKAN yaranır
Daşkənddə Prezident İlham Əliyevin rəsmi qarşılanma mərasimi olub
Azərbaycan neftinin qiyməti 97 dolları ötüb
