Bakı-2015: Azərbaycanın medallarının sayı 39-a çatıb
I Avropa Oyunlarının XI günündə 13 dəst medalın sahibi müəyyənləşib. APA TV-nin məlumatına görə, iyunun 22-də hesabına 4 mükafat əlavə edən Azərbaycan yığmasının aktivindəki medalların sayı 39-a çatıb.
İlk 11 gündən sonra Azərbaycan 14 qızıl, 11 gümüş, 14 bürünc medalla komanda hesabında 2-ci pillədəki mövqeyini qoruyub.
Siyahının lideri olan Rusiya daha 10 medal qazanaraq, izləyiciləri ilə fərqi daha da artırıb. Hesabında 87 mükafat olan rusiyalıların medallarından 45-i qızıl, 23-ü gümüş, 19-u bürüncdür. Almaniya isə 3-cü pillədəki yerini qoruyub.
Həmçinin daha bir ölkə ilk mükafatını qazanıb. Belə ki, Kipr atıcılıq yarışında gümüş medal əldə edib. Bununla kiprlilər 40-cı medalçı komanda olub.
Qeyd edək ki, Bakı-2015-in ilk 11 günündə ümumilikdə 154 qızıl, 154 gümüş, 194 bürünc medalın sahibi müəyyənləşib. Medalçı 40 ölkədən 24-ü çempionluq sevinci yaşayıb.
OXŞAR XƏBƏRLƏR
Dövlət Bayrağı Meydanı və Muzeyinin idarəçiliyi dəyişir
Formula 1-lə bağlı viza proseduru sadələşdirilir
Avqustun müavinət, təqaüd və ünvanlı sosial yardımları ödənilib
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
