13 boksçumuz 1/4 finalda
Bakı-2015 Avropa Oyunlarında boks yarışlarının 1/8 final mərhələsinə yekun vurulub. APA TV-nin məlumatına görə, 1/4 finala gedən yolda ötən gün daha 5 çəkidə döyüşlər keçirilib.
Bunun 4-də kişi, 1-də qadın boksçular mübarizə aparıblar. Bütün çəki dərəcələrində rinqə çıxan Azərbaycan boksçuları döyüşlərini qələbə ilə başa vurublar. Bununla da 1/4 finalda mübarizəni davam etdirəcək idmançılarımızın sayı 13-ə çatıb.
64 kq çəki dərəcəsində 1/16 final mərhələsində slovakiyalı Edin Seydinoviçi mübarizədən kənarlaşdıran Lorenzo Sotomayor bu dəfə moldovalı Dmitri Qalaqotu sınağa çəkib. Kuba əsilli boksçumuzla Avropa çempionatının mükafatçısının duelindən təmsilçimiz qalib ayrılıb. Lorenzo rəqibinin 1 raundda belə sevinməsinə imkan verməyərək, 3:0 (30:27; 30:27; 30:27) hesablı qələbə sayəsində 1/4 finalda iştirak hüququ qazanıb.
Boksçumuz növbəti mərhələdə Daniel Nikulesku (Rumıniya) ilə döyüşəcək. Görüş iyunun 23-də saat 20:15-də başlayacaq.
75 kq çəki dərəcəsində Azərbaycanı təmsil edən Xaybula Musalov ilk qarşılaşmasını fransız Kristian Haller-Assomo Mbilliyə qarşı keçirib. 1/16 finalda moldovalı Avropa üçüncüsü Viktor Çarapçevşiyə qalib gələn 20 yaşlı idmançı ilə döyüş boksçumuzun inamlı qələbəsi ilə yekunlaşıb - 3:0 (29:28; 29:28; 29:28).
Ötən gün 69 kq çəki dərəcəsində Pərviz Bağırov, 91 kq çəki dərəcəsində Abdulqadir Abdullayev, qadınlar arasında 60 kq çəki dərəcəsində isə Yana Alekseyevna da 1/4 final mərhələsinə vəsiqə qazanan boksçularınız arasındadır.
Qeyd edək ki, Azərbaycan millisinin boksçularından Tayfur Əliyev (56 kq), Teymur Məmmədov (81 kq), Məhəmmədrəsul Məcidov, (+91 kq), Elvin Məmişzadə (52 kq) və Albert Səlimov (60 kq) artıq adını 1/4 finala yazdırıb. Həmçinin, Salman Əlizadə (49 kq), Anna Əlimərdanova (54 kq) və Yelena Vıstropova (64 kq) da yarışa bu mərhələdən başlayacaq.
Bu gün beş boksçumuz 1/4 final mərhələsi çərçivəsində rinqə çıxacaq.
Apa.tv
OXŞAR XƏBƏRLƏR
Dövlət Bayrağı Meydanı və Muzeyinin idarəçiliyi dəyişir
Formula 1-lə bağlı viza proseduru sadələşdirilir
Avqustun müavinət, təqaüd və ünvanlı sosial yardımları ödənilib
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
