Avropa Oyunlarının VIII günündə 11 dəst medalın sahibi müəyyənləşdi
Bakı-2015 I Avropa Oyunlarının VIII günündə 11 dəst medalın sahibi müəyyənləşib.
APA TV-nin məlumatına görə, iyunun 19-da hesabına 1 mükafat əlavə edən Azərbaycan yığmasının aktivindəki medalların sayı 30-a çatıb.
İlk 8 gündən sonra Azərbaycan 13 qızıl, 5 gümüş, 12 bürünc medalla komanda hesabında 2-ci pillədəki mövqeyini qoruyub.
Bu siyahının lideri Rusiyadır. İyunun 19-da 9 medal əldə edən şimal qonşularımız izləyiciləri ilə fərqi bir qədər də artırıb. Hesabında 49 mükafat olan rusiyalıların medallarından 27-si qızıl, 12-si gümüş, 10-u bürüncdür. Hesabında 7 qızıl, 2 gümüş və 5 bürünc olan Macarıstan millisi 14 medalla 3-cü pillədə qərarlaşıb.
Qeyd edək ki, Bakı-2015-in ilk 8 günündə ümumilikdə 98 qızıl, 98 gümüş, 130 bürünc medalın sahibi müəyyənləşib. 37 ölkə təmsilçisi medal qazanıb ki, onlardan 21-i çempionluq sevinci yaşayıb.
OXŞAR XƏBƏRLƏR
Dövlət Bayrağı Meydanı və Muzeyinin idarəçiliyi dəyişir
Formula 1-lə bağlı viza proseduru sadələşdirilir
Avqustun müavinət, təqaüd və ünvanlı sosial yardımları ödənilib
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
