Bakı-2015: Rusiya liderliyi, Azərbaycan ikinciliyi əldən vermir
Bakı-2015 I Avropa Oyunlarının VII günündə növbəti medalların sahibləri müəyyənləşib.
APA TV-nin məlumatına görə, Azərbaycan yığmasının aktivindəki medalların sayı 29-a çatıb. 12 qızıl, 5 gümüş və 12 bürüncü olan komandamız həm qeyri-rəsmi komanda hesabında, həm də ümumi medal sayında 2-ci pillədə qərarlaşıb.
Medal sıralamasında lider yenə də Rusiyadır Yarışın 4-cü günündə zirvəni ələ keçirən şimal qonşularımızın hesabında 40 mükafat var. Bunların 22-si qızıl, 9-u gümüş, 9-u bürüncdür. Hesabında 7 qızıl, 1 gümüş və 5 bürünc olan Macarıstan millisi 3-cü pillədə qərarlaşıb.
Rusiya Federasiyası qadın idmançıların qazandığı medalların sayına görə də liderdir. Bu ölkənin 17 qadın idmançısı fəxri kürsüyə qalxıb. Bu sıralamada 2-ci yeri Macarıstan yığması tutur. Yarışların ilk yeddi günündə 7 macar qadın idmançı medal qazanıb ki, bunlardan 4-ü qızıldır. 7 qadın üzvü Avropa Oyunlarının mükafatını qazanan Azərbaycan millisi üçüncü pillədədir. Qadın idmançılarımız 3 qızıl, 1 gümüş, 3 bürünc medal qazanıblar.
Qeyd edək ki, Bakı-2015-in ilk 7 günündə ümumilikdə 291 medal oynanılıb.
Apa.tv
OXŞAR XƏBƏRLƏR
Dövlət Bayrağı Meydanı və Muzeyinin idarəçiliyi dəyişir
Formula 1-lə bağlı viza proseduru sadələşdirilir
Avqustun müavinət, təqaüd və ünvanlı sosial yardımları ödənilib
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
