Rusiya nüvə arsenalını zənginləşdirir: NATO-dan etiraz gəldi
Rusiya bu ilin sonuna kimi özünün nüvə arsenalını 40 qitələrarası ballistik raketlə zənginləşdirəcək.
APA TV-nin "Euronews"a istinadən verdiyi məlumata görə, bu fikirləri prezident Vladimir Putin "Ordu-2015" hərbi-texniki forumda dilə gətirib.
O bildirib ki, bu addım Kremlin özünümüdafiə sistemini daha da möhkəmləndirəcək. Putin bunu həm də NATO-nun Şərqi Avropada hərbi fəallığını genişləndirməsi ilə əlaqələndirib.
Bu arada NATO-nun baş katibi Yens Stoltenberq Avropa Komissiyasının rəhbəri Jan Klod Yunker ilə Brüsseldə keçirilən görüşündə Rusiyanın mövqeyini tənqid edib: "Bölgədə nüvə silahlarını artırmaq təhlükəlidir. Bu addım vəziyyəti gərginləşdirə bilər".
Baltikyanı dövlətlər isə NATO-nun onların ərazisində möhkəmlənməsini alqışlayıblar. Onlar bunu şərq qonşularından istənilən an gözlənilən təhlükəyə qarşı sığortalanmaq kimi dəyərləndirirlər.
Apa.tv
OXŞAR XƏBƏRLƏR
Dövlət Bayrağı Meydanı və Muzeyinin idarəçiliyi dəyişir
Formula 1-lə bağlı viza proseduru sadələşdirilir
Avqustun müavinət, təqaüd və ünvanlı sosial yardımları ödənilib
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
