Bakı-2015: Azərbaycan daha bir medal qazandı
Bu gün Bakı-2015 I Avropa Oyunlarında triatlon üzrə yarışlara yekun vurulub. APA TV-nin məlumatına görə, Bilgəh Çimərliyində kişi idmançılar mübarizə aparıblar.
Üzgüçülük, velosiped idmanı və qaçışda qüvvəsini sınayan triatlonçuların yarışında 58 idmançı qüvvəsini sınayıb. Böyük Britaniya təmsilçisi Qordon Benson finişə 1 saat 48 dəqiqə 31 saniyəyə çataraq, qızıl medala sahib çıxıb.
Çempiondan 11 saniyə geri qalan portuqaliyalı Joao Silva gümüş mükafata yiyələnib. Azərbaycan triatlonçusu Rostislav Pevtsov yarışı 3-cü pillədə bitirib.
Bürünc mükafat qazanan idmançımız məsafəni 1 saat 49 dəqiqə 4 saniyəyə qət edib. Digər triatlonçumuz Aleksandr Yatçenko finişə çatmayıb.
Qeyd edək ki, Pevtsovun qazandığı medal millimizin Avropa Oyunlarında 8-ci mükafatıdır. Komandamızın üzvləri bunadək 3 qızıl, 1 gümüş və 3 bürünc qazanıb.
Apa.tv
OXŞAR XƏBƏRLƏR
Dövlət Bayrağı Meydanı və Muzeyinin idarəçiliyi dəyişir
Formula 1-lə bağlı viza proseduru sadələşdirilir
Avqustun müavinət, təqaüd və ünvanlı sosial yardımları ödənilib
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
