Belarus yığmasının baş məşqçisi: “Mingəçevirdə hər şey çox mükəmməldir”
“Bakı-2015” Birinci Avropa Oyunları çərçivəsində Mingəçevirdə keçirilən avarçəkmə yarışlarında iştirak edən Belarus yığma komandasının baş məşqçisi Nikolay Banikoe yarışların əhəmiyyəti haqda fikirlərini bölüşüb.
APA TV-nin yerli bürosunun xəbərinə görə, baş məşqçi komandasının Иirinci Avropa Oyunlarında iştirak etməsindən məmnunluğunu bildirib: “İlk Avropa Oyunlarının çox maraqlı idman hadisəsi olduğuna əminəm. Çox şadam ki, Mingəçevirdə bu heyrətamiz Oyunlarda bizim komanda da iştirak edir. Belarusdan bura 14 idmançı ilə (10 kişi və 4 qadın) gəlmişik. Mingəçevirdə hər şey çox mükəmməldir. Oyunların sonadək maraqlı və əla olacağına ümid edirəm”.
Baş məşqçi bu yarışlarda yetişdirdiyi idmançıların da mükafat qazanmasını istədiyini söyləyib: “2008-ci il Pekin Yay Olimpiya Oyunlarının qızıl medalçıları olan iki atletimiz - Aleksandr Boqdanoviç və Andrey Boqdanoviç bu gün yarışda iştirak edirlər. Onlar yarışların birinci mərhələsində finişə ikinci çatdılar. Bu yarışlar yüksək səviyyəli və məsuliyyətli yarışlardır. Biz Oyunlardan öncə təlim-məşqlər zamanı öz gücümüzü bildik. Əlavə edim ki, bu yarış iştirakçılarının hamısı Avropada avarçəkmə idmanı üzrə ən güclü olanlardır. Yarışda idmançılar arasında güclü rəqabət var. Demək olar ki, qayıqlar bir-birindən cəmi bir-iki saniyə fərqlə finiş xəttini keçirlər. İnanıram ki, medal qazana bilərik”.
Elvin Yaqubov
OXŞAR XƏBƏRLƏR
Dövlət Bayrağı Meydanı və Muzeyinin idarəçiliyi dəyişir
Formula 1-lə bağlı viza proseduru sadələşdirilir
Avqustun müavinət, təqaüd və ünvanlı sosial yardımları ödənilib
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
