ABŞ polisi basqınçını snayper atəşi ilə öldürdü
ABŞ-nın Dallas şəhərində bir şəxs polis məntəqəsinə silahlı basqın etməyə cəhd edib. APA TV-nin "Euronews"a istinadən verdiyi məlumata görə, o, snayper atəşi ilə öldürülüb.
Silahlı şəxs polisin onu gördüyünü duyub və idarə etdiyi avtomobillə aradan çıxmaq istəyib. Onun avtomobilində partlayıcı qurğular da aşkar edilib. Şəhər polisinin verdiyi məlumata görə, təxminən 50 yaşı olan kişi əvvəlcə ətrafa atəş açmağa başlayıb. Polis məntəqəsinin yerləşdiyi bina da zərər görüb. Daha sonra o, partlayıcı qurğuları ərazidə yerləşən bir neçə binanın yaxınlığında quraşdırmağa cəhd edib.
"Şübhələndiyimiz şəxsin terror aktı törədəcəyi aydın idi. Biz onu əvvəlcə danışıqlara dəvət etdik, lakin o, buna əhəmiyyət vermədi. Ətrafdakı insanların təhlükəsizliyi baxımından onu snayper atəşi ilə məhv etmək qərarını verdik" - deyə Dallas şəhər Polis İdarəsinin rəisi bildirib.
Apa.tv
OXŞAR XƏBƏRLƏR
Dövlət Bayrağı Meydanı və Muzeyinin idarəçiliyi dəyişir
Formula 1-lə bağlı viza proseduru sadələşdirilir
Avqustun müavinət, təqaüd və ünvanlı sosial yardımları ödənilib
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
