Moskva polisi 40-dək etnik cinayətkar dəstə zərərsizləşdirib
Moskvada polis iyunun 4-dən 10-dək 39 etnik cinayətkar dəstəni zərərsizləşdirib. APA TV-nin məlumatına görə, bu barədə Rusiya DİN-nin Moskva üzrə Baş İdarəsinin mətbuat xidmətinin rəisi Andrey Qaliakperov bildirib.
Əməliyyat zamanı mütəşəkkil cinayətkar dəstələrin 227 fəal üzvü saxlanılıb, onlardan 65 nəfər barəsində həbs qətimkan tədbiri seçilib. Keçirilmiş 446 baxış zamanı 3,5 kq narkotik vasitələr, 63 ədəd odlu silah aşkarlanaraq götürülüb. Bir həftə ərzində etnik cinayətkar qruplar tərəfindən törədilmiş 3 qətl, 16 soyğunçuluq, 25 qarət, 7 mənzil və 14 avtomobil oğurluğu daxil olmaqla 215 cinayətin üstü açılıb.
Moskva polisi etnik əlamətli mütəşəkkil cinayətkar dəstələrin aşkarlanaraq zərərsizləşdirilməsi istiqamətində məqsədyönlü tədbirləri davam etdirir.
Apa.tv
OXŞAR XƏBƏRLƏR
Dövlət Bayrağı Meydanı və Muzeyinin idarəçiliyi dəyişir
Formula 1-lə bağlı viza proseduru sadələşdirilir
Avqustun müavinət, təqaüd və ünvanlı sosial yardımları ödənilib
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
