Polşada gizli danışıqların lent yazısının açıqlanması böhrana səbəb olub
Polşada yüksək vəzifəli dövlət xadimləri arasında danışıqların gizli yolla əldə edilmiş səs yazısı yayıldıqdan sonra üç nazir vəzifəsindən istefa verib. Bunlar səhiyyə, idman və turizm, eləcə də dövlət əmlakı nazirləridir. İstefalarla bağlı məlumatı mətbuat konfransında baş nazir Eva Kopaç açıqlayıb.
"Son iki gündə ictimaiyyətin diqqəti qanunsuz dinləmələr məsələsinə yönəlib. Onu deyə bilərik ki, bir ildən çoxdur davam edən təhqiqatın uzanması istintaq materiallarının sızması ilə nəticələndi"
Nazirlərlə yanaşı, üç nazir müavini, baş nazirin müşavirləri qrupunun rəhbəri, o cümlədən, Seymin marşalı, sabiq xarici işlər naziri Radoslav Sikorski də tutduğu vəzifədən istefa verib.
Qeyd edək ki, siyasətçilərin iş adamları ilə danışıqları 2013-cü ilin iyulunda Varşava restoranlarından birində yazılıb. Səs yazılarının yayılması hakim "Vətəndaş platforması" partiyasının nüfuzuna ciddi zərbə vurub.
Apa.tv
OXŞAR XƏBƏRLƏR
Dövlət Bayrağı Meydanı və Muzeyinin idarəçiliyi dəyişir
Formula 1-lə bağlı viza proseduru sadələşdirilir
Avqustun müavinət, təqaüd və ünvanlı sosial yardımları ödənilib
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
