Erməni snayperi mülki vətəndaşımız hədəf aldı
Ermənistan silahlı qüvvələrinin Tovuz rayonunun Əlibəyli kəndini atəşə tutması nəticəsində bir sakin yaralanıb. APA TV-nin məlumatına görə, 28 yaşlı Adil Musayev çiyin nahiyəsini dəlib keçən güllə yarası ilə xəstəxanaya yerləşdirilib. Həkimlərin səyi nəticəsində Adil Musayevin həyatını xilas etmək mümkün olub. Hazırda onun səhhətinin normal olduğu bildirilir. Adil Musayev Əlibəyli kəndində küçə ilə hərəkətdə olarkən düşmən gülləsinə tuş gəlib. Ümumiyyətlə, ötən gecə Ermənistan silahlı bölmələri cəbhə boyu atəşkəsi pozub. Düşmən ordusu Xocavənd rayonunun Kuropatkino, Ağdam rayonunun Sarıcalı, Goranboy rayonunun Tapqaraqoyunlu, Tərtər rayonunun Göyarx və Füzuli rayonunun Qaraxanbəyli kəndləri yaxınlığında yerləşən mövqelərindən də Azərbaycan Silahlı Qüvvələrinin mövqelərini atəşə tutub.
Elvin Bayramlı
OXŞAR XƏBƏRLƏR
Ceyhun Bayramov jurnalistlərə açıqlama verdi
Emin Əmrullayev: “Ən böyük problemimiz oxudur”
Bəzi istiqamətlər üzrə müasir suvarma sistemlərinə 50%-dək güzəşt ediləcək
PISA-da riyazi savadlılıq üzrə Azərbaycanın neçənci yerdə olduğu açıqlanıb
Səhiyyə Nazirliyi: Azad edilmiş ərazilərdə xəstəxanaların layihələndirilməsi işləri gedir
