Bakıda bəzi ət kəsimi məntəqələrinin fəaliyyəti dayandırılacaq
“Bakı şəhərində bir neçə böyük ət kəsimi məntəqəsi fəaliyyətini dayandıracaq. Bu məntəqələrdən biri “Keşlə” bazarında, digəri isə “Koroğlu” stansiyasının yaxınlığında yerləşir. Bildiyiniz kimi, “Keşlə” bazarının yaxınlığındakı yol layihə üzrə genişləndiriləcək. Bu gün Bakı Şəhər İcra Hakimiyyətindən bununla bağlı rəsmi məktub almışıq”.
Bunu APA-ya açıqlamasında Kənd Təsərrüfatı Nazirliyi yanında Dövlət Baytarlıq Nəzarəti Xidmətinin rəisi Sialə Rüstəmova deyib.
Sialə Rüstəmova bildirib ki, Şamaxı, Salyan və Quba istiqamətindən paytaxta girişdə böyük ət kəsimi məntəqələri tikiləcək: “Məqsəd şəhərə diri heyvanların gətirilməsinin qarşısını almaqdır. Həmin ət kəsimi məntəqələrinə mərkəzləşdirilmiş qaydada nəzarət olunacaq”. SİTATIN SONU
Qeyd edək ki, qurumdan paytaxtda qeyri-qanuni ət kəsimlərinin ləğv edildiyini də bildirilib. Sialə Rüstəmova deyib ki, qeyri-qanunu ət kəsimlərinə görə İnzibati Xətalar Məcəlləsində nəzərdə tutulan pul cəzalarının miqdarı çox aşağıdır. İnsanlar eyni əməlləri təkrar edirlər. I Avropa Oyunları ilə əlaqədar Dövlət Baytarlıq Nəzarəti Xidməti gücləndirilmiş iş rejimində çalışır. Artıq cədvəl üzrə xeyli iş görülüb. Baytarlıq-sanitariya ekspertiza laboratoriyasının əməkdaşları növbəli iş rejiminə keçiblər. Adətən bazarlara məhsullar gecələr gəldiyindən, onlar məhsulların müayinələrini gecə aparırlar ki, səhər satışda problem çıxmasın.
Apa.tv
OXŞAR XƏBƏRLƏR
Dövlət Bayrağı Meydanı və Muzeyinin idarəçiliyi dəyişir
Formula 1-lə bağlı viza proseduru sadələşdirilir
Avqustun müavinət, təqaüd və ünvanlı sosial yardımları ödənilib
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
