Beynəlxalq Enerji Agentliyi: OPEK-in bazardakı payı dəyişməlidir
OPEK-ə üzv ölkələrin bazar rəqabətində digər neft ölkələri ilə mübarizəsi davam edir.
APA TV-nin məlumatına görə, Beynəlxalq Enerji Agentliyinin rəhbəri Mariya van der Huven bildirib ki, Rusiya da daxil olmaqla bu mübarizədə qalib çıxan neft hasilatından effektli şəkildə istifadə edən tərəf olacaq. "OPEK-in ən böyük məqsədi bazarda öz payının toxunulmazlığını qorumaqdır. Bunu başa düşmək olar. Amma biz anlamalıyıq ki, bazardakı pay həmişəlik ola bilməz, o dəyişməlidir. Rəqabət olacaq" - deyə, o vurğulayıb.
Onun sözlərinə görə, yalnız kartel ölkələri yox, ABŞ və Rusiya da öz paylarını itirmək niyyətində deyil: "Braziliya və Kanada da eyni fikirdədirlər. Bu faktlar mübarizəni qaçılmaz edir. Burda isə bəzi məqamlar vacibdir: neft effektli şəkildə hasil olunacaqsa, bu, onun nəql olunmasını və çatdırılmasını da asanlaşdıracaq".
Xatırladaq ki, ötən il dünya bazarında "qara qızıl"ın qiyməti ən aşağı səviyyəyə - 45 dollara düşüb. Bu fakt OPEK-i neftin ixracını gündəlik 30 milyon barel həcmində saxlamağa məcbur edib.
Yalnız bu ilin yanvarında qiymət 65 dollara qədər yüksəlib. Bu arada OPEK-ə üzv olan ölkələrin neft nazirləri vəziyyəti stabilləşdirmək üçün sabah Vyanada yenidən bir araya gələcəklər.
Apa.tv
OXŞAR XƏBƏRLƏR
Dövlət Bayrağı Meydanı və Muzeyinin idarəçiliyi dəyişir
Formula 1-lə bağlı viza proseduru sadələşdirilir
Avqustun müavinət, təqaüd və ünvanlı sosial yardımları ödənilib
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
Kriptovalyuta müsadirə edildi, təqsirləndirilənlər 35 mln. manatdan çox cərimələndi
