Meksikada tornado fəlakəti: 13 ölü, 229 yaralı
Meksikanın ABŞ-la sərhədinin yaxınlığındakı Syudad-Akunya şəhərində baş verən tornado nəticəsində 13 nəfər həlak olub, 229 nəfər yaralanıb.
APA TV-nin beynəlxalq xəbər agentliklərinə istinadən xəbərinə görə, yüzlərlə bina təbii fəlakət nəticəsində dağılıb.
Qasırğa səhər saatlarda baş verib. Həlak olanlar cəmi 6 saniyədə qasırğa qurbanı olublar.
Meksika Daxili İşlər Nazirliyi şəhərdə fövqəladə vəziyyət elan olunduğunu bəyan edib. Koauila ştatında təbii fəlakətin nəticələrinin aradan qaldırılması məqsədilə operativ qərargah yaradılıb.
Rio-Qrande çayının əks sahilində, ABŞ-ın Texas ştatında yerləşən Del-Rio şəhəri də qasırğadan ziyan çəkib.
Tornado Syudad-Akunya şəhərində 750 evə zərər vurub, 50 ev darmadağın olub, 50 avtomobil dəmir yığınına çevrilib.
Meksika prezidenti Enrike Penya Nyeto fəlakətin yaşandığı şəhərə baş çəkib.
Apa.tv
OXŞAR XƏBƏRLƏR
Azərbaycanın Birinci vitse-prezidenti Mehriban Əliyevanın doğum günüdür
Dövlət Bayrağı Meydanı və Muzeyinin idarəçiliyi dəyişir
Formula 1-lə bağlı viza proseduru sadələşdirilir
Avqustun müavinət, təqaüd və ünvanlı sosial yardımları ödənilib
Prezident İlham Əliyev və birinci xanım Mehriban Əliyeva paytaxt Daşkənddən Buxaraya gəliblər
