Britaniyalı seçicilər: “Hökumət 5 ildə insanlara düz söz deməyib”
Böyük Britaniyada keçirilən seçkilər sadə vətəndaşlar tərəfindən müxtəlif reaksiyalarla qarşılanır. APA TV-nin "Euronews"a istinadən verdiyi məlumata görə, Londonda hökumət məmurlarının yaşadığı məhəllənin yaxınlığında yerləşən Sent-Ceyms parkında sakinlər arasında seçkilərlə bağlı sorğu keçirilib. Əhalinin bu prosesə münasibəti birmənalı deyil: ""Exit-poll”arın fəaliyyətinin ciddi olduğundan o qədər də əmin deyilik. Mən özüm şəxsən təbliğat-təşviqat kampaniyasında iştirak etmişəm. Ünsiyyətdə olduğum adamlar bildirirdilər ki, onlar bizim fəaliyyətimizdən razıdırlar. Biz Naycel Farajın parlamentə düşməməsini istəyirik". Sakinlərdən bəziləri isə Devid Kemeronun qələbəsini dəstəklədiklərini vurğulayıblar: "Mən Kemeronun uğuruna çox sevinirəm. O, bu kampaniyanı Corc Osborndan sonra ən yaxşı təşkil edən liderdir. Mən heç vaxt şübhə etməmişəm ki, o bizim ehtiyac duyduğumuz liderdir".
İndiki hökumətin siyasətini bəyənməyənlər isə iqtidarın məhz "exit-poll"un nəticəsinə güvəndiyini bildirirlər. Bu nəticələrin isə doğruluqdan çox uzaq olacağını iddia edirlər: "Mən ümumiyyətlə şokdayam. Sən demə nə qədər çox yalan danışsan, o qədər haqlısan. Hesab edirəm ki, hökumət britaniyalılar qarşısında heç vaxt, xüsusilə də son 4-5 ildə düz danışmayıb".
Seçicilər arasında leyboristlərin hakimiyyətə gələcəyinə ümid edənlər də var: "Mən leyboristlərin qazandığı nəticəsinə görə çox təəccüblənmişəm. Düşünürdüm ki, onlar parlamentdə daha çox yerin sahibi olacaqlar. Belə getsə, bizim həyatımızda yaxşıya doğru heç nə dəyişməyəcək".
Apa.tv
OXŞAR XƏBƏRLƏR
Şavkat Mirziyoyev Birinci vitse-prezident Mehriban Əliyevanı təbrik edib
Prezident İlham Əliyev "Sabah" futbol klubunu təbrik edib
Prezident İlham Əliyev "Sabah" futbol klubunu təbrik edib
Azərbaycanın Birinci vitse-prezidenti Mehriban Əliyevanın doğum günüdür
Dövlət Bayrağı Meydanı və Muzeyinin idarəçiliyi dəyişir
