İŞİD Peyğəmbərin karikaturası yarışmasını qana buladı
ABŞ-da Məhəmməd peyğəmbərin karikaturası silahlı insidentə səbəb olub. APA TV-nin xəbərinə görə, hadisə Texas ştatında baş verib.
Amerika Azadlığın Müdafiəsi Təşəbbüs Qrupu tərəfindən Məhəmməd peyğəmbər mövzusunda karikatura yarışmasının keçirildiyi salonun qarşısında atışma olub. Salonun yerləşdiyi Harland şəhər polisinin açıqlamasına görə, avtomobildən iki silahlı düşərək salonun önündəki mühafizəçilərə atəş açıb. Polislərin qarşılıq verməsi nəticəsində hücum edənlər öldürülüb, bir mühafizəçi yaralanıb. Açıqlamada hücumun "Kurtis Culvel Center"də keçirilən yarışma ilə bağlı olub-olmadığı və hücum edənlərin kimliyi barədə məlumat verilməyib. Atışmadan sonra salon boşaldılıb. 10 min dollar mükafatlı yarışmaya hollandiyalı siyasətçi Gert Uilders də qatılıb.
Qeyd edək ki, Amerika Azadlığın Müdafiəsi Təşəbbüs Qrupu Nyu Yorkda Dünya Ticarət Mərkəzi yaxınlarında İslam Mərkəzinin açılmasına qarşı kampaniya aparıb.
Son məlumata görə, bu arada İŞİD terror təşkilatı baş verən hadisəyə görə məsuliyyəti öz üzərinə götürüb.
Apa.tv
OXŞAR XƏBƏRLƏR
Şavkat Mirziyoyev Birinci vitse-prezident Mehriban Əliyevanı təbrik edib
Prezident İlham Əliyev "Sabah" futbol klubunu təbrik edib
Prezident İlham Əliyev "Sabah" futbol klubunu təbrik edib
Azərbaycanın Birinci vitse-prezidenti Mehriban Əliyevanın doğum günüdür
Dövlət Bayrağı Meydanı və Muzeyinin idarəçiliyi dəyişir
