Hacıqabulda toy karvanı qəzaya uğradı
Bakı-Qazax yolunun 118-ci km-liyində, Hacıqabul rayonu ərazisində toy karvanı qəzaya uğrayıb.
APA TV-nin xəbərinə görə, 1958-ci il təvəllüdlü Bakı sakini Rüstəmov Mülkədar Şamil oğlunun idarə etdiyi “MAN” markalı yük maşını toy karvanında gedən İmişli rayonunun Yalavac kənd sakini, 1969-cu il təvəllüdlü Fərmanov Elxan Ağamoğlan oğlunun idarə etdiyi “Mercedes” markalı avtomobillə toqquşub.
Nəticədə “Mercedes”də olan İmişli rayonunun Yalavac kənd sakinləri - 1984-cü il təvəllüdlü Muradova Esmira Salamat qızı və 1962-ci il təvəllüdlü Şükürova Nisə Şahverdi qızı ağır qapalı kəllə-beyin travması diaqnozu ilə Şirvan Şəhər Xəstəxanasının reanimasiya şöbəsinə yerləşdiriliblər. Onların vəziyyətinin ağır olduğu bildirilir.
Faktla bağlı Baş Dövlət Yol Polisi İdarəsi tərəfindən istintaq aparılır.
Əlibəy Zeynallı
OXŞAR XƏBƏRLƏR
Şavkat Mirziyoyev Birinci vitse-prezident Mehriban Əliyevanı təbrik edib
Prezident İlham Əliyev "Sabah" futbol klubunu təbrik edib
Prezident İlham Əliyev "Sabah" futbol klubunu təbrik edib
Azərbaycanın Birinci vitse-prezidenti Mehriban Əliyevanın doğum günüdür
Dövlət Bayrağı Meydanı və Muzeyinin idarəçiliyi dəyişir
