Ukraynada məşhur jurnalist öldürüldü
Ukraynada daha bir səs-küylü qətl törədilib.
APA TV-nin Ukrayna mətbuatına istinadən xəbərinə görə, tanınmış yazıçı-jurnalist Oles Buzina Kiyev şəhərində qətlə yetirilib.
Qətl hadisəsi Kiyev şəhərinin Şevçenko rayonunda baş verib. Jurnalistə yaşadığı evin girişində yanından keçən “Ford Focus” markalı avtomobildən dörd dəfə atəş açılıb. Güllələrdən biri onun başından dəyib.
Hazırda hadisə yerində istintaq-əməliyyat qrupu işləyir.
Qeyd edək ki, dünən axşam Ali Radanın Regionlar Partiyasından olan sabiq deputatı, Anti-Maydan hərəkatının liderlərindən Oleq Kalaşnikov da öz mənzilinin qarşısında qətlə yetirilib.
Ukrayna daxili işlər nazirinin müşaviri Anton Geraşenko vaxtilə Anti-Maydan hərəkatında iştirak edən və bu gün öz həyatı üçün təhlükə hiss edən bütün şəxsləri hüquq-mühafizə orqanlarına müraciət etməyə çağırıb.
Apa.tv
OXŞAR XƏBƏRLƏR
Şavkat Mirziyoyev Birinci vitse-prezident Mehriban Əliyevanı təbrik edib
Prezident İlham Əliyev "Sabah" futbol klubunu təbrik edib
Prezident İlham Əliyev "Sabah" futbol klubunu təbrik edib
Azərbaycanın Birinci vitse-prezidenti Mehriban Əliyevanın doğum günüdür
Dövlət Bayrağı Meydanı və Muzeyinin idarəçiliyi dəyişir
