Roma Papası Ermənistanda qondarma “soyqırım” tədbirlərinə qatılmayacaq
Roma Papası I Fransisk Ermənistanda qondarma “soyqırım”ın 100 illiyinə həsr olunmuş tədbirlərə qatılmayacaq.
APA-nın “Armenpress”ə istinadən verdiyi xəbərə görə, bu barədə jurnalistlərə Eçmiədzin kilsəsinin dinlərarası əlaqələr şöbəsinin rəhbəri yepiskop Ovakim Manukyan bildirib.
Onun sözlərinə görə, Roma Papası Ermənistana 2016-cı ildə səfər etməyə qərar verib. “Roma Papası şübhəsiz ki Ermənistana səfər edəcək, lakin bu apreldə yox, 2016-cı ildə baş tutacaq. Onun 24 aprel tədbirlərinə dəvət olunması barədə məlumatlar həqiqətə uyğun deyil”, deyə yepiskop qeyd edib.
Bu arada I Fransisk 1915-ci il hadisələri barədə fikirlərinə açıqlama gətirib. O bildirib ki, baş vermiş hadisələr öz adı ilə tələffüz olunmalıdır. Katoliklərin dini lideri Fransisk İsa peyğəmbərin 12 həvarisindən nümunə göstərərək öz düşüncələrini əsaslandırmağa çalışıb: “İsa peyğəmbər inancları səbəbindən pis rəftara məruz qalacaq 12 həvaridən Yuhanna və Petrusa “Gördükləriniz və eşitdikləriniz qarşısında səssiz qalmayın” - deyib”.
Fransisk həmçinin kilsənin bu mesajının səmimiliyə və xristian cəsarətinə gedən yol olduğunu deyib.
Xatırladaq ki, Roma Papası aprelin 12-də keçirilən ayində 1915-ci il hadisələrini şərh edərkən qondarma erməni “soyqırımının” XX əsrin ilk soyqırımı olduğunu iddia edib. Papanın bu çıxışına cavab olaraq Türkiyə Vatikandakı səfirini geri çağırıb.
Apa.tv
OXŞAR XƏBƏRLƏR
Şavkat Mirziyoyev Birinci vitse-prezident Mehriban Əliyevanı təbrik edib
Prezident İlham Əliyev "Sabah" futbol klubunu təbrik edib
Prezident İlham Əliyev "Sabah" futbol klubunu təbrik edib
Azərbaycanın Birinci vitse-prezidenti Mehriban Əliyevanın doğum günüdür
Dövlət Bayrağı Meydanı və Muzeyinin idarəçiliyi dəyişir
