Göyçayda ailə qəzaya düşüb, qadın ölüb, əri ağır vəziyyətdədir
Göyçay rayonunda ölümlə nəticələnən yol-nəqliyyat hadisəsi baş verib. APA TV-nin yerli bürosunun xəbərinə görə, hadisə bu gün saat 11:00 radələrində Göyçay-Ucar yolunun 5-ci kilometrliyində, Göyçayın Hüngütlü kəndi ərazisində qeydə alınıb. Ucar rayonu Alpoud kənd sakini, 1973-cü il təvəllüdlü Abdullayev Fərhad Qubad oğlunun idarə etdiyi 10-MT-750 dövlət nömrə nişanlı, “VAZ 2107” markalı minik maşını yoldan çıxaraq ağaca çırpılıb. Hadisə zamanı sürücü ağır bədən xəsarətləri ilə Göyçay Mərkəzi Rayon Xəstəxanasına yerləşdirilib. Onun həyat yoldaşı, 1981-ci il təvəllüdlü Lamiyə Abdullayeva aldığı ağır xəsarətlərdən hadisə yerində ölüb. Hadisənin yağışlı havada yolun sürüşkən olması səbəbindən baş verdiyi ehtimal olunur.
Faktla bağlı Göyçay rayon Polis Şöbəsi tərəfindən araşdırma aparılır.
Elvin Yaqubov
OXŞAR XƏBƏRLƏR
“Sabah” futbol klubuna 5 milyon manat ayrılıb
Şavkat Mirziyoyev Birinci vitse-prezident Mehriban Əliyevanı təbrik edib
Prezident İlham Əliyev "Sabah" futbol klubunu təbrik edib
Prezident İlham Əliyev "Sabah" futbol klubunu təbrik edib
Azərbaycanın Birinci vitse-prezidenti Mehriban Əliyevanın doğum günüdür
