İŞİD 90 xristianı girov götürdü
İŞİD Suriyanın şimal-şərqində yerləşən Əl-Hasiqə əyalətində 90 assuru giro götürüb. APA TV-nin məlumatına görə, bu barədə Suriyanın SƏNA agentliyi xəbər yayıb. Terrorçular qəflətən bölgədəki bir neçə kəndə hücum ediblər. Təll-Təmər rayonunda yüzlərlə insan qonşu əyalətlərə qaçmağa məcbur olub. Terrorçular artıq Əl-Hasiqə istiqamətində güclü hücuma keçiblər.
Bu arada " The New York Times" ABŞ-ın İŞİD-ə qarşı yeni əməliyyatlara başlayacağını yazıb. Mənbə əməliyyatların üç mərhələdən ibarət olacağını bildirir. İlk olaraq terrorçulara havadan zərbələr endiriləcək, ikinci mərhələdə İŞİD üzərinə təlim keçmiş İraq və kürd hərbi birləşmələri, o cümlədən digər sünni qruplaşmaların üzvləri göndəriləcək. Üçüncü mərhələdə isə terrorçuların hazırda nəzarət etdiyi ərazilərdə məhv edilməsidir ki, bu prosesin Obamanın hakimiyyət müddəti başa çatdıqdan sonra reallaşacağı ehtimal olunur.
Apa.tv
OXŞAR XƏBƏRLƏR
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
Şavkat Mirziyoyev Birinci vitse-prezident Mehriban Əliyevanı təbrik edib
Prezident İlham Əliyev "Sabah" futbol klubunu təbrik edib