İçki məclisi qanlı sonluqla bitdi: 28 yaşlı şəxs bıçaqlandı
Gecə saatlarında paytaxtın Xətai rayonu NZS qəsəbəsində bıçaqlanma hadisəsi baş verib. APA TV-nin məlumatına görə, Keşlə qəsəbə sakini 28 yaşlı Elmar Musayev kafelərin birində yeyib-içdikdən sonra tanımadığı şəxslə mübahisə etməyə başlayıb. Nəticədə Elmar Musayev hələlik adı istintaqa məlum olmayan şəxs tərəfindən bıçaqlanıb. Bel nahiyəsindən iki bıçaq zərbəsi alan yaralı ətrafdakıların köməyi ilə 3 saylı kliniki tibbi mərkəzə çatdırılıb. Yaralı dərhal əməliyyat olunub. Xəstəxanadan verilən məlumata görə, hazırda yaralının vəziyyəti orta ağırdır. Xətai Rayon Polis İdarəsinin 37-ci polis bölməsinin əməkdaşları bıçaqlanan Elmar Musayevin ilkin izahatını aldıqdan sonra dərhal cinayəti törədərək hadisə yerindən qaçan şəxsin tutulması istiqamətində əməliyyat-axtarış tədbirlərinə başlayıblar.
Faktla bağlı cinayət işi başlanılıb, araşdırmalar davam etdirilir.
OXŞAR XƏBƏRLƏR
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
Şavkat Mirziyoyev Birinci vitse-prezident Mehriban Əliyevanı təbrik edib
Prezident İlham Əliyev "Sabah" futbol klubunu təbrik edib