“Azərpoçt”un kənd şöbəsindən seyf oğurlayan şəxslər saxlanılıb
Zaqatalada “Azərpoçt”un kənd şöbəsindən seyf oğurlayan şəxslər saxlanılıb. Zaqatala rayon Polis Şöbəsindən APA TV-nin Şəki-Zaqatala bürosuna verilən məlumata görə, keçirilən əməliyyat-axtarış tədbirləri nəticəsində fevralın 16-dan 17-ə keçən gecə Rabitə və Yüksək Texnologiyalar Nazirliyi “Azərpoçt” MMC-nin Zaqatala rayon filialının Muxax kənd şöbəsinin inzibati binasının pəncərəsinin dəmir barmaqlıqlarını çıxararaq seyf oğurlayan şəxslərin həmin kəndin sakinləri olması müəyyənləşib.
1993-cü il təvəllüdlü Fərqan Əsgər oğlu Əliyev, 1992-ci il təvəllüdlü Elnur İlham oğlu Rəcəbov, 1993-cü il təvəllüdlü Samir Fəxrəddin oğlu Əhmədov və 1990-cı il təvəllüdlü Ramin Mahmud oğlu Həsənov tutularaq istintaqa təhvil veriliblər. Həmin şəxslərin oğurladıqları seyf onlardan maddi sübut kimi götürülüb.
Faktla bağlı cinayət işi başlayıb, araşdırma aparılır.
Vüqar Heydərov
OXŞAR XƏBƏRLƏR
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
Şavkat Mirziyoyev Birinci vitse-prezident Mehriban Əliyevanı təbrik edib
Prezident İlham Əliyev "Sabah" futbol klubunu təbrik edib