ATƏT: Litva və Polşa Ukraynaya silah yardımına başlayıb
Litva və Polşa artıq Ukraynaya silah yardımı göstərməyə başlayıb. APA TV-nin məlumatına görə, bu açıqlamanı Finlandiya mətbuatına ATƏT Parlament Assambleyasının sədri İlkka Kanevra verib. Onun sözlərinə görə, NATO-nun üzvü olan bu iki ölkə əvvəllər də Ukraynaya silah yardımı göstərəcəklərini gizlətmirdilər. Kanevra bildirib ki, ölkəsi Ukraynaya silah yardımı göstərmək niyyətində deyil, lakin Ukraynanın şimalına humanitar yardım göndərə bilər. O, Donbas regionunda humanitar vəziyyətin fəlakət həddinə çatdığını vurğulayıb.
Xatırladaq ki, bundan əvvəl kütləvi informasiya vasitələri Polşa və Litva ərazisində Ukrayna hərbçilərinə xüsusi hazırlıq keçildiyi barədə məlumat yayıblar. Ukrayna Silahlı Qüvvələrinin əsgərləri qruplar şəklində bu ölkələrə göndərilir, müvafiq hərbi təlim keçdikdən sonra geriyə qayıdırlar.
Apa.tv
OXŞAR XƏBƏRLƏR
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
Şavkat Mirziyoyev Birinci vitse-prezident Mehriban Əliyevanı təbrik edib
Prezident İlham Əliyev "Sabah" futbol klubunu təbrik edib