Türkiyədə güclü fırtına: evlər dağıldı, yollar bağlandı, aviareyslər təxirə salındı
Güclü fırtına Türkiyəyə ciddi ziyan vurub, bir neçə nəfər ölüb. APA TV-nin "Anadolu" agentliyinə istinadən verdiyi xəbərə görə, fırtına nəticəsində bölgədə gəmi, bərə və dəniz avtobuslarının səfərləri dayandırılıb. Fırtınaya düşmüş iki karqo gəmisinin heyəti xilas edilib.
Fırtına nəticəsində 3 nəfər həyatını itirib, bir neçə nəfər isə müxtəlif bədən xəsarətləri alıb.
Ölkə ərazisində bəzi yerlərdə küləyin sürəti saatda 50-90 kilometrə çatıb. Bunun nəticəsində evlərin və inzibati binaların damı uçub, məscidlərin minarəsi dağılıb, xeyli sayda çoxillik ağac kökündən çıxıb, magistral yolların kənarlarındakı dirəklər aşıb, yüzlərlə maşın yolların kənarında qalıb, 8 yük maşını isə küləyin təsirindən aşıb. Sahil bölgələrində yerləşən evləri və iş yerlərini su basıb.
İzmir-Ankara magistralında və İstanbulun ”Sahil yolu”nda nəqliyyatın hərəkəti məhdudlaşdırılıb.
"Türk Hava Yolları" ötən gün 100-dən çox daxili və xarici təyyarə reysini təxirə salıb.
Apa.tv
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
