Lənkəranda ağır qəza: 18 yaşlı qız maşının altında qaldı
Lənkəranda piyadanın vurulması ilə nəticələnən ağır yol-nəqliyyat qəzası baş verib. Hadisə yanvarın 31-də Lənkəran-Lerik şose yolunun rayonun Kərgəlan kəndi ərazisindən keçən hissəsində qeydə alınıb. İpək yolunun tikintisində çalışan ağırtonnajlı yük maşını hərəkətdə olarkən yolu keçmək istəyən Lerik rayon sakini, 18 yaşlı Şəbnəm Əlövsət qızı Əlinuru vurub. Müxtəlif dərəcəli bədən xəsarətləri alan yaralı dərhal Lənkəran Mərkəzi Rayon Xəstəxanasına çatdırılıb. Ona təcili olaraq qan köçürülüb. Zərərçəkmişin səhhətində heç bir irəliləyiş müşahidə olunmadığından o, Bakıya göndərilib. Şahidlərin sözlərinə görə, Şəbnəm Kərgəlanda yaşayan əmisinin evinə qonaq gəlibmiş. Faktla bağlı Lənkəran Şəhər-Rayon Polis Şöbəsində araşdırma aparılır.
OXŞAR XƏBƏRLƏR
14:40
220
Naxçıvandakı Türkiyə konsulluğu “Zəfər Günü” münasibəti ilə tədbir keçirib
14:32
150
Prezident İlham Əliyev Şavkat Mirziyoyevi təbrik edib
19:30
967
Azad olunan ərazilərdə daha 36 nəfər özünüməşğulluq proqramı ilə iş sahibi oldu
16:36
1160
Cəbrayılın Şükürbəyli kəndinə növbəti köç olub
18:20
1976
“Sabah” futbol klubuna 5 milyon manat ayrılıb
19:32
2080