YAP-ın icra katibi: "Parlament seçkilərində namizədlərimizin müəyyənləşdirilməsinə ciddi yanaşılacaq"
"Parlament seçkilərinə hazırlıq proseslərində bir çox məsələlər, o cümlədən hakim partiyanı təmsil etməli olan insanlar müəyyənləşdiriləcək. Lakin bu, ciddi araşdırmalar nəticəsində olacaq". APA TV-nin xəbərinə görə, bunu Yeni Azərbaycan Partiyası (YAP) icra katibi Əli Əhmədov bildirib. O bildirib ki, YAP ənənəvi olaraq seçki hazırlıqlarına xeyli əvvəldən başlayır.
"Biz hazırlıq prosesində bir çox məsələlərə, o cümlədən partiyanın namizədlərinin müəyyənləşdirilməsinə ciddi yanaşacağıq. Namizədlər ciddi araşdırmalar əsasında müəyyənləşəcək. Bütövlükdə parlamentdə YAP-ı təmsil edən deputatların əksəriyyətinin fəaliyyəti partiyanı, o cümlədən də seçiciləri qane edir. Belə şəxslər də mütləq nəzərə alınacaq. Buna baxmayaraq, həyat inkişaf edir".
Əli Əhmədov deyib ki, YAP-ın mövqeyi seçicilərin rəğbətini qazanmış şəxslərin namizədliyini irəli sürməkdən ibarətdir. Partiya seçki kampaniyasına məhz bu meyarla hazırlaşacaq. Partiyanın icra katibi hesab edir ki, bu seçki də YAP üçün uğurlu olacaq.
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
