Məşhur müğənni vəfat edib
Məşhur yunan müğənni Demis Russos Afinada 69 yaşında vəfat edib. Ölümün səbəbləri hələlik bəlli deyil. APA TV-nin xəbərinə görə, əsl adı Artemios Ventouris Roussos olan müğənni 1946-cı ildə Misirin İsgəndəriyyə şəhərində yunan ailəsində anadan olub. 1950-ci illərin ortalarında ailə Yunanıstana köçüb. D. Russos solo yaradıcılığa 1971-ci ildə başlayıb və həmin il “On The Greek Side Of My Mind” adlı ilk albomunu buraxıb. 1975-ci ildə onun 3 plastik valı 10 ən yaxşı albomun siyahısında yer tutub. Sənətçi yaradıcılığı boyunca 29 albom buraxıb.
O, 1985-ci il iyunun 14-də ərəb terroçular tərəfindən qaçırılmış təyyarənin sərnişinlərindən biri olub. Terrorçular hətta onun doğum gününü də təyyarədə qeyd ediblər.
Demis Russosun 3 evliliyindən 2 uşağı var.
Apa.tv
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
