Misirdə qanlı toqquşma: 18 ölü, 50 yaralı
Misirdə Hüsnü Mübarəkin hakimiyyətdən devrilməsi ilə nəticələnən 25 yanvar inqilabının dördüncü ildönümü qanlı toqquşmalarla müşayiət olunub. APA TV-nin xəbərinə görə, etiraz aksiyasına və polislə toqquşmalara çevrilən bayram tədbirində ölənlər və yaralananlar olub.
Misirin Səhiyyə Nazirliyinin məlumatına görə, toqquşmalar zamanı 18 nəfər ölüb, 50-dən çox adam yaralanıb. Ölənlərdən 2-si polis əməkdaşıdır. Ölüm halları paytaxt Qahirədə, İsgəndəriyyədə və Kəfr əş-Şeyx əyalətində qeydə alınıb. Ən qanlı toqquşmalar Qahirə yaxınlığında baş verib. Güc strukturlarının əməkdaşları "Müsəlman qardaşları" hərəkatının təşkil etdiyi mitinqi dağıdıb və 9 nəfər ölüb.
Toqquşmalardan sonra Misir ordusu ölkənin küçə və meydanlarında təhlükəsizlik tədbirlərini gücləndirib. Yanvar inqilabının baş meydanı olan Təhrir tikanlı məftillər və tanklarla əhatəyə alınıb.
Apa.tv
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
