Səudiyyə kralı 91 yaşında vəfat etdi
Səudiyyə Ərəbistanının kralı Abdullah Əbdül Əziz əl Səud 91 yaşında dünyasını dəyişib. APA TV-nin məlumatına görə, bu barədə Səudiyyə Ərəbistanının dövlət televiziyası məlumat yayıb. Kral sarayı Abdullah Əbdül Əziz əl Səudun ölümünü təsdiqləyib.
Kral bu gün dəfn ediləcək. Onun cənazəsi paytaxt Ər-Riyaddakı İmam Türki bin Abdullah məscidinə aparılacaq, cənazə namazının ardınca Əl Ud məscidində dəfn ediləcək.
Qeyd edək ki, dekabrda həkimlər kral Abdullahda pnevmaniya aşkarlayıblar. O, Ər-Riyadda xəstəxanaya yerləşdirilmişdi. Bundan başqa, son dörd il ərzində kralın belində bir neçə dəfə cərrahiyyə əməliyyatı aparılmışdı.
Kral Abdullanın ölümündən sonra Səudiyyə Ərəbistanın taxt-tacı Salman ibn Əbdül Əziz əl Səuda keçib. Onun 79 yaşı var. Kral Salman 2012-ci ildən ölkənin müdafiə naziridir. Bundan əvvəl isə paytaxt Ər-Riyad vilayətinin qubernatoru olub.
Qeyd edək ki, 1953-cü ildə Səudiyyə Ərəbistanının qurucusu kral Əbdül Əzizin ölümündən sonra hakimiyyət bir oğuldan digərinə ötürülür.
Apa.tv
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
