İslandiya Avropa İttifaqına üzvlük ərizəsini geri götürür
İslandiya Avropa İttifaqına üzvlük ərizəsindən rəsmən imtina etməyə hazırlaşır. APA TV-nin məlumatına görə, ölkənin baş naziri bildirib ki, hökumət bununla bağlı rəsmi proseduralara başlamaq niyyətindədir. Bu, İslandiyanın Avropa İttifaqına üzvlükdən imtinaya dair ikinci cəhdidir. İslandiya ilk dəfə 2009-cu ilin iyulunda Avrozonada yaşanan maliyyə böhranı fonunda bu ittifaqa üzv olmaq üçün rəsmən ərizə ilə müraciət edib. O zaman hökumətin bu addımı kütləvi aksiyalara səbəb olub və ümumxalq səsverməsinin keçirilməsi ilə nəticələnib. Avropa Komissiyası İslandiyanın quruma üzvlüyünə dair müraciətinə 2010-cu ilin fevralında müsbət rəy verib. Həmin ilin yayında üzvlüklə bağlı rəsmi danışıqlar başlayıb, lakin 2013-cü ilin aprelində İslandiyada mərkəzçi Tərəqqi Partiyasının hakimiyyətə gəlməsi ilə danışıqlar yarımçıq qalıb.
Apa.tv
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
