Bakıda narkotik alverçiləri yaxalandı
Abşeronda narkotik vasitələrin külli miqdarda dövriyyəsi ilə məşğul olan şəxs yaxalanıb. APA TV-nin məlumatına görə, DİN-in Baş Mütəşəkkil Cinayətkarlıqla Mübarizə İdarəsinin əməkdaşları rayon sakini Mirzə Manafov saxlayıblar. Daxil olmuş əməliyyat məlumatı əsasında ona məxsus "Mercedes" markalı avtomobilə baxış zamanı ümumi çəkisi 6 kiloqram narkotik vasitə, o cümlədən 1 kiloqram heroin, 3 kiloqram tiryək və 2 kiloqram qurudulmuş marixuana aşkarlanaraq götürülüb.
Baş İdarə əməkdaşlarının həyata keçirdikləri daha bir əməliyyat tədbiri nəticəsində isə Salyan şəhər sakinləri Abış Ələkbərov və Şöhrət Ağayev paytaxtın Qaradağ rayonu ərazisində 1 kiloqram qurudulmuş marixuananı 3000 manata satarkən saxlanılıblar.
Hər iki faktla bağlı Baş İdarənin İstintaq şöbəsində Cinayət Məcəlləsinin müvafiq maddələri ilə cinayət işi başlanılıb, zəruri istintaq və əməliyyat-axtarış tədbirləri davam etdirilir.
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
