Zaqatala zəlzələdən zərər çəkmiş daha bir uşaq bağçası yenidən tikilib
Zaqatala rayonunda 2012-ci ilin may ayında baş verən zəlzələdən zərər çəkmiş daha bir körpələr evi - uşaq bağçası yenidən tikilərək istifadəyə verilib.
APA TV-nin məlumatına görə, rayonda qəzalı vəziyyətə düşmüş 9 körpələr evi-uşaq bağçasının yenidən tikilməsi ilə bağlı Nazirlər Kabinetinin xüsusi sərəncamı əsasında şəhər 2 saylı körpələr evi-uşaq bağçası yenidən tikilib. Açılış mərasimində rayon İcra Hakimiyyətinin başçısı Mübariz Əhmədzadə, rayonun hüquq-mühafizə orqanlarının rəhbərləri, ictimaiyyət nümayəndələri və bağça kollektivləri iştirak edib. 2013-cü ilin noyabr ayında tikintisinə başlanılan bina 2 mərtəbəli olmaqla ümumilikdə 37 otaqdan ibarətdir. 1200 kv/m tikinti sahəsini əhatə edən 3 qruplu 50 yerlik bağçada tibb otağı, kompüter otağı, musiqi zalı, 3 yataq otağı metodiki kabinet, 3 oyun otağı, 2 anbar və mətbəx körpələrin xidmətinə verilib. Bina müasir istilik sistemi ilə təchiz olunub, həyəti abadlaşdırılıb, daimi su təminatı üçün 2 ədəd 50 kubmetrlik su anbarı, qazanxana və nasosxana tikilib.
Vüqar Heydərov
OXŞAR XƏBƏRLƏR
Naxçıvandakı Türkiyə konsulluğu “Zəfər Günü” münasibəti ilə tədbir keçirib
Prezident İlham Əliyev Şavkat Mirziyoyevi təbrik edib
Azad olunan ərazilərdə daha 36 nəfər özünüməşğulluq proqramı ilə iş sahibi oldu
Cəbrayılın Şükürbəyli kəndinə növbəti köç olub
“Sabah” futbol klubuna 5 milyon manat ayrılıb
